काठमाडौँ । राष्ट्रिय स्वतन्त्र पार्टीका सभापति रवि लामिछानेले सरकारले ल्याउन लागेको अध्यादेशको बचाउ गरेका छन्। सिंहदरबारमा बसेको संसदीय दलको बैठकमा उनले यो कदम कानुनी प्रक्रिया भित्र रहेर गरिएको बताएका हुन्। उनका अनुसार सरकारले विगतमा भएका गलत नियुक्ति र अनावश्यक दलीयकरण सुधार्न अध्यादेश ल्याउन खोजेको हो। उनले भने, “यी समस्या नसच्याएसम्म जनताले सरकारबाट अपेक्षा गरेका काम पूरा गर्न सकिँदैन।”
लामिछानेले पहिलेका सरकारले अध्यादेशको दुरुपयोग गर्दै दल फुटाउन वा विपक्षीलाई दबाउन प्रयोग गरेको आरोप पनि लगाए। तर अहिलेको सरकारको उद्देश्य त्यस्तो नभई सुधार ल्याउनु रहेको उनको दाबी छ। उनले भने , ‘बिगतमा भएको अनावश्यक दलियकरण र गलत नियुक्तिलाई नसच्याए सम्म जनताले यो सरकारबाट गरेको अपेक्षा पुरा गर्न सकिँदैन। पहिले अध्यादेश दल फुटाउन वा विपक्षीलाई थुन्न ल्याइने अभ्यास थियो। अहिलेको अभ्यास कसैलाई दुख दिन वा कसैलाई सुविधा दिन हैन यो आवस्यक सुधारको लागि हो, ।
उनले यो कदम कसैलाई फाइदा वा नोक्सानी पुर्याउन नभई देशको प्रणाली सुधार गर्न आवश्यक भएको स्पष्ट पारे।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
