विपक्षी दलको बैठक बस्दै

काठमाडौं । आज विपक्षी दलहरू फेरि बैठक बस्न लागेका छन्। बैठक बिहान साढे ११ बजे एमाले संसदीय दलको कार्यालयमा हुने छ। यसअघि बुधबार कांग्रेस संसदीय दलको कार्यालयमा भीष्मराज आङ्देम्बेको अध्यक्षतामा बैठक बसेको थियो, जसमा चार दल सहभागी भएका थिए। आजको बैठक पनि सरकारले ल्याएका अध्यादेशबारे छलफल गर्न केन्द्रित हुनेछ।

सरकारले विभिन्न विषयमा अध्यादेश ल्याएपछि विपक्षी दलहरू एकजुट भएर यसको विरोध र रणनीति बनाइरहेका छन्। यसैबीच, राष्ट्रपति रामचन्द्र पौडेलले पनि आज अध्यादेशबारे संविधानविद्हरूसँग छलफल गर्दै छन्। सरकारले संवैधानिक परिषद्, सहकारी, विश्वविद्यालय, स्वास्थ्य, सार्वजनिक नियुक्ति र खरिदसम्बन्धी कानुन संशोधन गर्न अध्यादेश सिफारिस गरेको छ।