कोरोना महामारीको कारण रोकिएको त्रिभुवन विश्व विद्यालयका परीक्षा फागुनमा हुने

नेपालमा कोरोनाको नयाँ भेरियन्ट ओमिक्रोन फैलिएसँगै त्रिविले ९ माघदेखि परीक्षा स्थगित गर्ने निर्णय गरेको थियो ।
‘स्थगित गरिएका लिन बाँकी रहेका सम्पूर्ण परीक्षाहरू फागुन महिनामा सञ्चालन गरेर सक्ने गरी तालिका सार्वजनिक गर्छौं,’ त्रिविका परीक्षा नियन्त्रक पुष्पराज जोशीले भनुभयो ।
कोभिड संक्रमण बढेसँगै त्रिवि, पूर्वाञ्चल विश्वविद्यालय, सुदूरपश्चिम विश्वविद्यालयले बीचमै परीक्षा स्थगित गरेका थिए ।केही दिनयता कोभिड संक्रमण घट्दो क्रममा रहेकाले स्थगित परीक्षा लिने त्रिभुवन विश्व विद्यालयका पदाधिकारीको बैठकले निर्णय गरेको हो।