दुर्गा प्रसाईं साधारण तारेखमा रिहा

काठमाडौँ । राष्ट्र, राष्ट्रियता, धर्म, संस्कृति नागरिक बचाउ महाअभियानका संयोजक दुर्गा प्रसाईं साधारण तारेखमा छुट्ने भएका छन् । पर्सा जिल्ला अदालतका न्यायाधीश गायत्रीप्रसाद रेग्मीले उनलाई साधारण तारेखमा रिहा गर्न आदेश दिएका हुन् ।

सरकारी वकिल कार्यालयले सोमबार मात्रै उनीविरुद्ध राज्यविरुद्धको कसुर र विद्युतीय कारोबार ऐन अन्तर्गत मुद्दा दायर गरेको थियो । प्रसाईंलाई प्रहरीले जेठ ४ गते पक्राउ गरेको थियो । त्यसपछि उनलाई केही दिनको म्याद थप गरेर अनुसन्धान गरिएको थियो ।