उपसभामुख रुविकुमारी ठाकुर अस्पतालबाट डिस्चार्ज

काठमाडौँ । उपसभामुख रुविकुमारी ठाकुर स्वास्थ्यमा सुधार भएपछि अस्पतालबाट डिस्चार्ज भएर घर फर्किएकी छन्। उनी किस्ट अस्पतालमा उपचाररत थिइन्।

उनका स्वकीय सचिव तारा राईका अनुसार मधुमेहको समस्या देखिएपछि ठाकुर बुधबार अस्पताल भर्ना भएकी थिइन्। उपचारपछि स्वास्थ्यमा सुधार आएपछि उनलाई आज घर पठाइएको हो।

चिकित्सकले उनलाई केही समय आराम गर्न र स्वास्थ्यमा विशेष ध्यान दिन सुझाव दिएका छन्।