स्वयम्भूका अतिक्रमित संरचना भत्काइँदै

काठमाडौं। स्वयम्भू क्षेत्रमा अतिक्रमण गरेर निर्माण गरिएका संरचनाहरूमा सरकारले डोजर चलाउन सुरु गरेको छ। सरकारी स्वामित्वको जग्गा अतिक्रमण गरी बनाइएका अवैध संरचना हटाउने अभियानअन्तर्गत शनिबार बिहानदेखि उक्त क्षेत्रमा भत्काउने कार्य अघि बढाइएको हो।

संघीय राजधानीमा फैलिएका सुकुम्बासी बस्ती व्यवस्थापन तथा सार्वजनिक जमिन संरक्षण गर्ने उद्देश्यले यो अभियान सञ्चालन गरिएको जनाइएको छ।

यसअघि शुक्रबार बल्खु, बालाजु, शंखमूल र वंशीघाटलगायतका स्थानमा रहेका अतिक्रमित संरचनाहरू पनि हटाइएको थियो। सरकारले सार्वजनिक जमिन संरक्षण र अतिक्रमण नियन्त्रणका लागि यस्तो अभियान निरन्तर जारी रहने स्पष्ट पारेको छ।