‘सेनालाई सुकुम्बासीको लगत नदिनू’ भन्दै स्थानीय तहलाई आग्रह:हर्क साम्पाङ

काठमाडौँ । श्रम संस्कृति पार्टीका अध्यक्ष हर्क साम्पाङ राई ले सुकुम्बासीको विवरण मागिएको विषयमा आपत्ति जनाउँदै स्थानीय तहलाई यस्तो विवरण नदिन सार्वजनिक रूपमा आग्रह गर्नुभएको छ । सामाजिक सञ्जालमार्फत आफ्नो धारणा सार्वजनिक गर्दै उहाँले नेपाली सेनाले सुकुम्बासीको लगत माग्नु उपयुक्त नभएको बताउनुभएको हो ।

उहाँले सेनालाई यस्ता विवरण संकलन गर्ने निकायका रूपमा मान्न नसकिने उल्लेख गर्दै यस्तो कदमले अनावश्यक त्रास सिर्जना गर्न सक्ने दाबी गर्नुभएको छ । “सेनाले मागेको सुकुम्बासीको लगत कुनै पनि पालिकाले नदिनु होला, यो सरासर गलत हो,” भन्ने अभिव्यक्तिमार्फत उहाँले आफ्नो असहमति प्रकट गर्नुभएको छ ।

साम्पाङको यस अभिव्यक्तिपछि सुकुम्बासी व्यवस्थापनमा संलग्न निकायहरूको भूमिका, अधिकार र समन्वयबारे नयाँ बहस सुरु भएको छ । स्थानीय तह, सुरक्षा निकाय र सम्बन्धित संस्थाबीचको जिम्मेवारी र सीमाबारे स्पष्टता आवश्यक रहेको विषयमा सरोकारवालाहरूको ध्यानाकर्षण भएको देखिएको छ ।