बढ्यो सुन-चाँदीको मूल्य

काठमाडौं। नेपाली बजारमा बुधबार सुनको मूल्य फेरि वृद्धि भएको छ। नेपाल सुनचाँदी व्यवसायी महासंघका अनुसार बुधबार सुनको मूल्य तोलामा ११ सय रुपैयाँले बढेको हो।

मंगलबार तोलामा १ लाख ६९ हजार ४०० रुपैयाँ रहेको छापावाल सुनको मूल्य बुधबार तोलामा १ लाख ७० हजार ५०० रुपैयाँमा कारोबार भइरहेको छ।

यसैगरी, चाँदीको मूल्य पनि बढेको छ। मंगलबार तोलामा १ हजार ९७० रुपैयाँ रहेको चाँदीको मूल्य बुधबार १५ रुपैयाँले बढेर तोलामा १ हजार ९८५ रुपैयाँ पुगेको महासंघले जानकारी दिएको छ।