भारतको केरलामा पहिरोमा परी कम्तीमा २४ जनाको मृत्यु , सयौं फसेको आशंका

काठमाडौँ , १५ साउन |  भारतको दक्षिणी राज्य केरलाको पहाडी क्षेत्रमा अविरल वर्षाका कारण आएको पहिरोको श्रृङ्खलाका कारण कम्तीमा २४ जनाको मृत्यु भएको र सयौं फसेको आशंका गरिएको छ ।

पहिरो मंगलबार बिहान २ बजे गएको थियो । उक्त पहिरोले कम्तिमा चारवटा गाउँहरू काटिएको छ । निरन्तर भारी वर्षाका कारण उद्धार कार्यमा अवरोध भइरहेको छ । बीबीसीका अनुसार केरलका स्वास्थ्य मन्त्री वीना जर्जले घटनामा घाइते भएकाहरूको उपचार स्थानीय अस्पतालमा भइरहेको भन्दै पहिरोमा पुरिएकाहरूको उद्धारको काम भइरहेको बताएकी छिन्।

अहिलेसम्म हामीले विभिन्न अस्पतालमा २४ वटा शव प्राप्त गरेका छौं, केरलाका स्वास्थ्यमन्त्री वीणा जर्जले प्रेस ट्रस्ट अफ इण्डिया समाचार एजेन्सीलाई बताइन्। कम्तीमा ७० जना घाइते भएका र जिल्ला अस्पतालमा उपचार भइरहेको उनले बताइन्। २०० भन्दा बढी सैनिक उक्त क्षेत्रमा तैनाथ रहेका छन् भने भारतीय वायुसेनाका दुई हेलिकप्टर उद्धार कार्यका लागि परिचालन गरिएको छ ।

पुलिस , ड्रोन र एक कुकुर टोली पनि यस क्षेत्रमा पठाइएको छ । अझै पनि त्यस क्षेत्रमा वर्षा भइरहेको हुँदा उद्धार कार्यमा कठिनाई भइरहेको उनको भनाइ छ।