बाइडेनले भने :अब नयाँ पुस्तालाई ल्याउनु उचित ठानेर राष्ट्रपति निर्वाचनबाट बाहिरिएको हुँ

एजेन्सी | अमेरिकी राष्ट्रपति जो बाइडेनले राष्ट्रपतिको दौडबाट बाहिरिएपछि बुधवार राति राष्ट्रका नाममा सम्बोधन गरेका छन् । सम्बोधनमा बाइडनले नयाँ पुस्तालाई कमान सुम्पिनु नै अगाडी बढ्नु राम्रो तरिका भएका कारण आफू राष्ट्रपति निर्वाचनको दौडबाट बाहिरिएको बताएका छन्।राष्ट्रपति बाइडेनले आगामी नोभेम्बरमा हुन लागेको राष्ट्रपति निर्वाचनमा वर्तमान उपराष्ट्रपति तथा राष्ट्रपतिकी नयाँ उम्मेदवार कमला ह्यारिसलाई समर्थन गर्न आग्रह समेत गरेका छन् ।

उनले भने, ‘म यस पदको सम्मान गर्छु। तर, म मेरो देशलाई निकै माया गर्छु। राष्ट्रपतिको रूपमा देशको सेवा गर्नु मेरो जीवनको सम्मान हो। त्यसकारण अब नयाँ पुस्तालाई ल्याउनु उचित ठानेर म राष्ट्रपति निर्वाचनबाट बाहिरिएको हुँ।’ बाइडेनले उपराष्ट्रपति कमला ह्यारिसलाई आफ्नो समर्थन उल्लेख गर्दै आफ्नो भाषणको अन्त्य गरेका थिए । उनले भने, ‘म हाम्रा महान उपराष्ट्रपति कमला ह्यारिसलाई धन्यवाद दिन चाहन्छु । उहाँ अनुभवी हुनुहुन्छ । उहाँ दृढ हुनुहुन्छ । उहाँ सक्षम हुनुहुन्छ । उहाँ मेरो लागि एक अद्भुत साझेदार र हाम्रो देशको लागि एक नेता हुनुहुन्छ ।’