आज कोशीमा महागठवन्धनले सार्थकता पाएछ, अब केन्द्रमा पनि यस्तै सहकार्य होस्: रवि लामिछाने

काठमाडौँ, २७ असोज । राष्ट्रिय स्वतन्त्र पार्टीका सभापति रवि लामिछानेले पुराना दलहरूको उदेश्य र  गन्तव्य एउटै भएको औल्याएका छन् ।

लामिछानेले कोशी प्रदेशमा नेकपा एमालेको पनि समर्थनमा कांग्रेसका केदार कार्की मुख्यमन्त्री बनेपछि सभापति लामिछानेले यस्तो टिप्पणी गरेका हुन् ।

‘उदेश्य एउटै, कार्यशैली एउटै,चरित्र एउटै, गन्तव्य एउटै भएपछि,सटर चाहिँ किन बेग्लाबेग्लै ??, ‘उनले भनेका छन् ।’उनले सबै पुराना दलहरुलाई एउटै निर्वाचन चिन्हबाट गठबन्धन बनाएर चुनाव लड्न चुनौती पनि दिएका छन् ।

रविले उप–निर्वाचनमा आफु र डा. स्वर्णिमलाई हराउन सबै पुराना दलहरु लागीपरेको आरोप समेत लगाए ।

‘गत उप-निर्वाचनमा मलाई र डा. स्वर्णिमलाई Swarnim Waglé हराउन ड्राफ्ट भएर एउटा मात्र हस्ताक्षर हुन बाँकी रहेको “महागठवन्धन”ले आज कोशीमा सार्थकता पाएछ,  उनले भने, ‘राम्रो भो, अब केन्द्रमा पनि यस्तै सहकार्य होस्। र आगामी निर्वाचन सम्ममा सबै पुराना दल एक ठाँउमा बसेर यस्तै महागठवन्धन गरि,सकेसम्म चुनाव चिन्ह समेत एउटै हुने गरि “महासहमति” पनि गर्नु होला। ढिला नगरी “महागठबन्धनवादी मोर्चा”को घोषणा सभा बारेपनि सुन्न पाइयोस् ।’