सिन्धुलीको फिक्कलमा बस दुर्घटनामा मृत्यु हुनेको सङख्या छ पुग्याे

काठमाडौँ, २८ फागुन । ओखलढुंगाको रुम्जटारबाट काठमाडौँ आउँदै गरेको बस सिन्धुलीमा दुर्घटना भएको छ ।

बा २ ख ६५९६ नम्बरको बस मध्यपहाडी राजमार्गको फिक्कल गाँउपालिका– ४ कुइभिर भन्ने स्थानको भित्तामा ठोक्किँदा छ जनाको घटनास्थलमै मृत्यु भएको हो।

जिल्ला प्रहरी कार्यालय सिन्धुलीका अनुसार मृत्यु हुनेमा तीन महिला र तीन पुरुष छन्  । घाईतेमध्ये पाँच जनाको अवस्था गम्भिर रहेकाले उनीहरुलाई हेलिकोप्टर मार्फत काठमाडौं पठाउने तयारीमा छ । दुर्घटनामा २९   जना घाइते भएका र उनीहरुको खुर्कोटस्थित अस्पतालमा उपचारका लागि पठाइएको जिल्ला प्रहरी कार्यालय सिन्धुलीका प्रमुख प्रहरी उपरीक्षक राजकुमार सिलवालले  जानकारीले जनाएको  दिए ।

बसमा चालक सहित ३५ जना सवार थिए ।