काठमाडौंका सिडिओ फेरिए, नयाँ सिडिओ गोविन्दप्रसाद रिजाल

काठमाडौं । गृहमन्त्रालयले काठमाडौं उपत्यकाका प्रमुख जिल्ला अधिकारीलाई  परिवर्तन गरेको छ । गृहमन्त्री बालकृष्ण खाणको मन्त्रीस्तरीय निर्णयबाट कालीप्रसाद पराजुलीलाई हटाएर गोविन्दप्रसाद रिजाललाई नयाँ प्रजिअका रूपमा ल्याइएको हो ।

रिजाल विगत ४ महिनादेखि गृहमन्त्रालयको प्रशासन महाशाखा प्रमुखका रूपमा कार्यरत थिए ।

रिजालले यसअघि जाजरकोट, कैलाली, दाङ र मकवानपुर जिल्लाको प्रमुख जिल्ला अधिकारीको जिम्मेवारी सम्हालेका थिए ।