शेखर गोल्छालाई २४ घण्टाभित्र उपस्थित गराउन सर्वोच्चको आदेश

काठमाडौँ । सर्वोच्च अदालत ले व्यवसायी शेखर गोल्छा लाई २४ घण्टाभित्र अदालतमा उपस्थित गराउन आदेश दिएको छ । उक्त आदेश बन्दीप्रत्यक्षीकरणसम्बन्धी निवेदनमाथि सुनुवाइ गर्दै जारी गरिएको हो ।

गोल्छाकी पत्नी सीमा गोल्छा ले दायर गरेको निवेदनमाथि सुनुवाइ गर्दै न्यायाधीश नृपध्वज निरौला को इजलासले सम्बन्धित निकायलाई बन्दीलाई अदालतमा उपस्थित गराउन निर्देशन दिएको हो ।

साथै अदालतले गोल्छालाई थुनामुक्त गर्न नपर्ने कुनै कारण भए त्यसको आधार र प्रमाणसहित पेश गर्न पनि आदेश दिएको छ ।

यसैबीच नेपाल प्रहरी केन्द्रीय अनुसन्धान ब्यूरो ले व्यवसायी गोल्छालाई पक्राउ गरी आवश्यक अनुसन्धान अघि बढाइरहेको जनाएको छ ।