सीसीटिभी फुटेज प्रकरण:पूर्वअर्थमन्त्री  जनार्दन शर्माले दिए बयान

काठमाडौँ ५ साउन |अर्थमन्त्रालयको सीसीटिभी फुटेज प्रकरणमा संसदीय छानबिन विशेष समितिमा पूर्वअर्थमन्त्री  जनार्दन शर्माले बयान दिएका छन।शर्माले बजेट निर्माणमा अनधिकृत व्यक्ति संलग्न नगराएका बताएका छन् ।शर्माले मन्त्रालयमा सुरक्षाकर्मीहरु रहने भएकाले भित्र को आयो र को गयो भनेर थाहा भईहाल्छ भनेर विषय वस्तुलाई सामान्य रुपमा पन्छाउन समेत खोजेको बुझिएको छ ।

बयानको क्रममा उनले बजेट निर्माणमा अनधिकृत व्यक्तिको संलग्नता नभएको बताएका थिए । सीसीटिभी फुटेज कहिलेसम्म राखिन्छ र त्यसमा कसले के गर्छ भन्ने जानकारी मन्त्रीलाई नहुने भन्दै उनले सीसीटिभी फुटेज हराएको विषयमा पनि आफूलाई केही थाहा नभएको जिकीर पनि गरे।

बजेट निर्माणको क्रममा अनधिकृत व्यक्तिलाई संलग्न गराएको आरोप लागेपछि उनले गत २२ असारमा अर्थमन्त्रीबाट राजीनामा दिएका थिए ।बजेट निर्माण प्रकरणबारे छानविन गर्न ११ सदस्यीय छानविन समिति गठन गरिएको थियो ।