नारायणी नदीमा पानीको सतह बढ्दै,सतर्कता अपनाउन आग्रह

चितवन, १७ श्रावण । नारायणी नदीमा पानीको सतह बढेको छ । बाढी पूर्वानुमान महाशाखाले दिएको जानकारी अनुसार चितवन र नवलपरासी क्षेत्रमा भारी वर्षासँगै पानीको सतह सतर्कता तह नजिक पुगेको छ ।

नारायणी नदी देवघाट बाढी मापन केन्द्रमा जलसतह सतर्कता तह (७.३ मि) नजिक पुगेको र यो बढ्दो क्रममा रहेको विभागले जनाएको हो ।

विभागले सो क्षेत्र तथा आसपासका क्षेत्रमा मंगलवार दिउँसोसम्म उच्च सतर्कता अपनाउन आग्रह गरेको छ ।