धादिङ जीप दुर्घटना: एक जनाको मृत्यु , १६ जना घाइते

काठमाडौँ , २८ असोज |  धादिङको  गंगाजमुना गाउँपालिका–४ गुम्दीमा आज जीप दुर्घटना भएको छ । उक्तm जीप दुर्घटनामा एक जनाको मृत्यु भएको छ । मृत्यु हुनेमा १४ वर्षीय अनुरोध तामाङ रहेकी छिन् ।

धादिङ्बेसीबाट रिगाउँको तावल जाँदै गरेको मे १ ज २६६९ नंम्बरको जीप आफै अनियन्त्रित भई दुर्घटनामा परेको जिल्ला प्रहरी कार्यालय धादिङ्का प्रहरी उपरीक्षक गौतम मिश्रले जानकारी दिए ।

दुर्घटनामा १६ जना घाइते भएका छन् । दुर्घटनामा दशै विदामा  घर जान लागेका बालबालिका र अभिभावकहरु घाइते भएका  हुन् ।