काठमाडौँ । भारतका विदेश सचिव विक्रम मिस्री छिट्टै नेपाल भ्रमणमा आउने भएका छन् । सो भ्रमणका क्रममा उनले नयाँ सरकारलाई औपचारिक बधाइ सन्देश दिनुका साथै प्रधानमन्त्री बालेन्द्र शाह को भारत भ्रमणको मिति टुंगो लगाउने विषयमा छलफल गर्ने तयारी रहेको जनाइएको छ ।
भारत भ्रमणमा रहेका नेपाली पत्रकारहरूसँग कुराकानी गर्दै विदेश सचिव मिस्रीले आफ्नो नेपाल भ्रमणको योजना रहेको तर मिति भने अझै निश्चित नभएको बताएका छन् । उनले यस विषयमा नेपालका समकक्षीसँग निरन्तर समन्वय भइरहेको जानकारी दिएका छन् ।
राष्ट्रिय स्वतन्त्र पार्टी नेतृत्वको सरकार गठनपछि भारतबाट हुन लागेको यो पहिलो उच्चस्तरीय भ्रमण हुनेछ । यसअघि मौरिससमा आयोजित कार्यक्रममा नेपालका परराष्ट्रमन्त्री शिशिर खनाल र भारतका विदेशमन्त्री एस जयशंकर बीच भेटवार्ता भएको थियो, जहाँ द्विपक्षीय सम्बन्ध र प्रधानमन्त्रीको सम्भावित भारत भ्रमणबारे प्रारम्भिक छलफल गरिएको थियो ।
प्रधानमन्त्री शाहले भारतको निमन्त्रणालाई स्वीकार गरिसकेको जनाइएको छ । उपयुक्त समय मिलाएर भ्रमण गर्ने तयारी भइरहेको बताइँदै आएको छ । उक्त भ्रमणले नेपाल–भारत सम्बन्धलाई थप सुदृढ बनाउने अपेक्षा गरिएको छ ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
