काठमाडौं । पश्चिम अफ्रिकाको देश मालीमा भएको ठूलो विस्फोटमा रक्षामन्त्री सादियो केमारा ज्यान गुमाएका छन्। राजधानी बमाको नजिकै रहेको आफ्नै घरमा आत्मघाती ट्रक बम विस्फोट हुँदा उनी गम्भीर घाइते भएका थिए र पछि मृत्यु भएको पुष्टि भएको हो।
घटनापछि मालीको सरकारी टेलिभिजनले पनि उनको निधनको खबर सार्वजनिक गरेको छ। सोही आक्रमणमा राष्ट्रपति असीमी गोइताको निवासलाई पनि निशाना बनाइएको थियो, तर उनलाई सुरक्षित स्थानमा सारिएको छ।
माली अहिले अस्थिर अवस्थामा छ। राजधानीसहित विभिन्न सहरमा चरमपन्थी समूहहरूले लगातार आक्रमण गरिरहेका छन्। सैनिक ब्यारेक र सरकारी संरचनाहरू पनि लक्षित भएका छन्।
सन् २०२० र २०२१ को सैन्य विद्रोहपछि सत्तामा आएका गोइताले सुरक्षा सुधार गर्ने वाचा गरे पनि अवस्था अझै सामान्य हुन सकेको छैन।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
