अरिङ्गालले टोकेर दुईको मृत्यु ,एक घाइते

जाजरकोट, असोज २३ । जाजरकोटको कुशे गाउँपालिका –१ धाउनीमा अरिङ्गालले  टोकेर  दुई बालिकाको मृत्यु भएको छ भने एक जना घाइते भएका छन् । मृत्यु हुनेमा वीरबहादुर सिंहको छोरी  नौ वर्षीया  निर्जला सिंह र तीन वर्षीया सुस्मिता छन् ।

अरिङ्गालले टोकेर घाइते निर्जलाको उपचार गर्नका लागि छेडागाड नगरपालिकाको थलह स्वास्थ्य केन्द्रमा लैजाँदै गर्दा बाटोमै सोमबार मृत्यु भएको र सुस्मिताको आइतबार बेलुकी नै मृत्यु भएको हो ।

अरिङालले टोकेर  हजुरआमा बिजुली सिंह घाइते  भएकी छन् ।