घरायसी विवादको क्रममा छोराले गरे बुवाको हत्या

काठमाडौं, असोज २  |  कपिलवस्तुमा चिर्पट प्रहार गरी एक जनाको हत्या भएको छ । सोमवार राती अन्दाजी ९ बजे हत्या गरिएको जिल्ला प्रहरी कार्यालय कपिलवस्तुले जनाएको छ ।

विवाद भएपछि वर्ष २५ का भुवन दर्जीले ६२ वर्षीय बुवा बलबहादुर दर्जीलाई चिर्पट दाउराले प्रहार गरेका थिए ।

चिर्पट  प्रहारबाट गम्भीर घाइते भएका बलबहादुर भन्ने खबर प्राप्त हुनासाथ ईलाका प्रहरी कार्यालय पिपराबाट खटिएको प्रहरीले उनलाई पक्राउ गरेको हो ।

उपचारका लागि कपिलवस्तु सामुदायिक अस्पताल जितपुर लैजाने क्रममा मृत्यु भएको बताइएको छ ।

घटनाको विषयमा थप अनुसन्धान भएको प्रहरीले जनाएको छ ।