नेपाल आयुर्वेद क्षेत्रको प्राकृतिक भूमि हो:प्रधानमन्त्री

काठमाडौँ, फागुन  १९  । प्रधानमन्त्री पुष्पकमल दाहालले आयुर्वेदका लागि  नेपाल  उचित गन्तव्यस्थल भएको बताएका छन्। शुक्रवारबाट काठमाडौंमा शुरु भएको सातौं अन्तर्राष्ट्रिय आयुर्वेद महासभालाई सम्बोधन गर्दै उनले यस्तो बताएका हुन्।

नेपालमा यार्सागुम्बा, अमला, रुद्राक्ष, तुलसी लगायतका अति महत्वपूर्ण वनस्पतिहरु पाइने  र  यसलाई प्राथमिकताका साथ अघि बढ्न नेपाल सरकार प्रतिवद्ध रहेको प्रधानमन्त्री दाहालले  बताए । प्रधानमन्त्रीले सरकारले आयुर्वेदलाई संरक्षण र संवर्द्धन गर्न सिंहदरबारस्थित वैद्यखानाबाट आफ्ना कामहरु गरिरहेको बताए ।

पछिल्लो समय जलवायु परिवर्तनका कारण आयुर्वेदका लागि विभिन्नखाले समस्याहरु परिरहेको र त्यसलाई न्यूनिकरण गर्ने बाटोमा जान आवश्यक रहेको उनले बताए ।वनस्पतिहरु जोगाइराख्नुपर्ने आवश्यकता देखिएकोले सरकारले पनि यसलाई पहिलो प्राथमिकतामा राखेर काम गरेको दाहालले बताए।