युटियस कलेज च्यानल साझेदारहरूको लागि २०२१ पुन: सक्रियता कार्यशालाहरू नेपाल र भारतमा

कोभिड–१९ को महामारीका कारण दुई वर्षको अन्तरालपछि अष्ट्रेलियाको सिड्नीस्थित युनिभर्सिटी अफ टेक्नोलोजी सिड्नी, यूटीएस कलेजले काठमाडौं र पोखरामा क्रमश ७-८ डिसेम्बर, २०२१ मा च्यानल पार्टनरहरूका लागि रियाक्टीभेसन वर्कसप आयोजना गरेको छ । सिड्नीमा भ्याक्सिन लगाउने काम प्राय सम्पन्न हुदै गर्दा र डिसेम्बर २०२१ मा पुन: सिमाना खोल्ने खबर, च्यानल पाट्नरहरूलाई पुन: जोड्ने, पुन: सक्रियतामा ल्याउन आयोजित रियाक्टीभेसन वर्कसपमा फाउन्डेसन, अन्डरग्रयाजुयट प्रोग्राम र प्री मास्टरस् प्रोग्रामका बारेमा जानकारी गराइएको हो।

रियाक्टीभेसन वर्कसपमा युटियस कलेजका चिफ अफिसर पाट्नर्शिप एन्ड ग्रोथ पिटर ह्यारिसले भर्चुयली जोडिदै न्यानो स्वागत मन्तव्य व्यक्त गर्नु भएको थियो। “विद्यार्थीहरूलाई कलेजमा स्वागत गर्न पाउँदा आफु खुसी रहेको र नेपालका युटियस कलेजका च्यानल हरूलाई व्यक्तिगत रूपमा भेट्न पाउँदा खुसी छु।” उहाँले जानकारी गराउनु भयो। युटियस कलेजका क्षेत्रीय निर्देशक, इन्डीया सबकन्टिनेन्ट पंकज जैनले भन्नुभयो, “हाम्रा विद्यार्थीहरूलाई अस्ट्रेलियामा स्वागत गर्ने यो नयाँ सुरुवात र समय हो।” साउथ एसिया प्रतिनिधि अपराजिता मल्लले शैक्षिक कार्यक्रमहरूको बारेमा जानकारी गराउदै च्यानल पाट्नरहरूको विश्वसनीय सहभागिता र समर्थनको लागि, युटियस युनिभर्सिटीको पाथवे युटियस कलेज अझै नजिकबाट काम गर्न उत्सुक रहेको जानकारी गराउनु भयो।

उक्त कलेजको शैक्षिक कार्यक्रम लगायत भर्नाका लागि न्युनतम योग्यता, छात्रवृत्ति र अवसरहरूको बारेमा रियाक्टीभेसन वर्कसपमा प्रो एक्टीभ सेसन समेत सञ्चालन गरीएको थियो।

रियाक्टीभेसन वर्कसपमा सबै सहभागीहरूलाई प्रशंसा प्रमाणपत्र प्रदान गर्दै र फोटो सेसन गरी समापन गरियो।