नदी किनाराको जग्गा खाली गराउने सरकारको नीति

काठमाडौँ, ५ जेठ ।  सरकारले काठमाडौंसहितका नदी किनारासहित सरकारी जग्गा खाली गराउने भएको छ ।

सरकारको तर्फबाट शुक्रबार संघीय संसदको संयुक्त बैठकमा आर्थिक वर्ष २०८०\८१ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले काठमाडौं उपत्यकासहितका स्थानका नदी किनारासहितका सरकारी जग्गा खाली गर्ने जानकारी दिएका हुन् ।

नदी किनारामा रहेकाहरुको उचित स्थानमा स्थानान्तरण गरेर जग्गा खाली गर्ने राष्ट्रपति पौडेलले जानकारी दिए ।

काठमाडौं उपत्यकाका भूमि नभएका सुकुमबासीलाई नयाँ ठाउँमा स्थानान्तरण गरी खाली गराइने पनि सरकारले नीति बनाएको पौडेलले बताए।