काठमाडौं । प्रतिनिधिसभाकी उपसभामुख रुवी कुमारीको नेतृत्वमा पाँच सदस्यीय नेपाली टोली चीन भ्रमणमा गएको छ। टोली चीनको न्याङ्ग्ची सहरमा आयोजना हुने पाँचौँ चीन–सिजाङ सीमापार अन्तर्राष्ट्रिय सहकार्य मञ्चमा सहभागी हुन त्यसतर्फ गएको हो।
संघीय संसद् सचिवालयका अनुसार उक्त कार्यक्रममा उपसभामुख रुवी कुमारीले सम्बोधन गर्ने कार्यक्रम रहेको छ। भ्रमणका क्रममा उहाँले सिजाङको लिन्ची सहरमा कम्युनिष्ट पार्टीका सचिव वाङ जुनझेङसँग भेटवार्ता गर्ने कार्यक्रम पनि तय भएको छ।
यो भ्रमण आगामी साउन ४ गतेसम्म रहनेछ। त्यसपछि नेपाली प्रतिनिधिमण्डल स्वदेश फर्किनेछ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
