काठमाडौं । अपराध नियन्त्रण तथा घटनामा संलग्न व्यक्तिको पहिचान सहज बनाउन नेपाल प्रहरीले घरधनीलाई डेरामा बस्ने व्यक्तिहरूको विवरण अनिवार्य रूपमा संकलन गरी सुरक्षित राख्न आग्रह गरेको छ ।
जिल्ला प्रहरी परिसर काठमाडौंका प्रवक्ता तथा प्रहरी उपरीक्षक पवनकुमार भट्टराईका अनुसार घरधनीले आफ्नो घरमा बसोबास गर्ने व्यक्तिको नाम, ठेगाना र आवश्यक विवरण अभिलेख राख्दा कुनै आपराधिक घटना घटेमा अनुसन्धानमा सहजता पुग्नेछ ।
साथै, आवश्यक परे डेरामा बस्न आउने व्यक्तिको पृष्ठभूमि बुझ्न घरधनीले प्रहरीबाट प्रहरी प्रतिवेदनसमेत माग गर्न सक्ने व्यवस्था रहेको प्रहरीले जनाएको छ ।
यस प्रकारको सतर्कताले अपराध न्यूनीकरणमा सहयोग पुग्ने र घटना भएमा दोषी पहिचान गर्न छिटो र प्रभावकारी प्रक्रिया अघि बढाउन मद्दत पुग्ने विश्वास गरिएको छ ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
