सो अवसरमा राजदूत कोर्तेवालले आफ्ना फ्रान्सेली समकक्षीबाट पठाइएको विशेष निमन्त्रण पत्र पनि हस्तान्तरण गरिन्। उक्त निमन्त्रण पत्र आगामी अक्टोबर २०२५ मा फ्रान्सको पेरिसमा आयोजना हुने चौथो नारीवादी विदेश नीति मन्त्रीस्तरीय सम्मेलन (4th Ministerial Conference on Feminist Foreign Policy) मा सहभागिताका लागि थियो।
फेमिनिस्ट फरेन पॉलिसी (नारीवादी विदेश नीति) सम्मेलनलाई विश्वकै महत्त्वपूर्ण बहुपक्षीय सम्मेलनमध्ये एक मानिन्छ। यसले विश्वव्यापी स्तरमा महिला, शान्ति, सुरक्षा तथा लैङ्गिक समानता सम्बन्धी प्रश्नहरूमा उच्चस्तरीय छलफल गर्ने उद्देश्य राखेको छ।
नेपालले यस सम्मेलनमा सहभागिता जनाउनु नेपालको लैङ्गिक समानता प्रवर्द्धन गर्ने प्रतिबद्धताको सशक्त सन्देश हुने अपेक्षा गरिएको छ। साथै, सम्मेलनमार्फत नेपालको कूटनीतिक उपस्थिति अन्तर्राष्ट्रिय स्तरमा अझ प्रभावकारी हुने विश्वास व्यक्त गरिएको छ।
उच्चस्तरीय बैठक र निमन्त्रणासँगै नेपाल–फ्रान्सबीचको सम्बन्धलाई नयाँ उचाइमा पु¥याउने अवसर पनि सृजना भएको अधिकारीहरूको भनाइ छ। सम्मेलन तयारीका विषयमा नेपाल सरकारले आवश्यक प्रक्रिया अघि बढाइसकेको स्रोतले जनाएको छ।
