काठमाडौँ । नेपाली काँग्रेसले क्रियाशील सदस्यता व्यवस्थापनलाई थप व्यवस्थित बनाउन नयाँ कार्यतालिका सार्वजनिक गरेको छ। पार्टीको केन्द्रीय कार्यालय सानेपाले जारी गरेको सूचनाअनुसार सदस्यता सम्बन्धी सबै काम आगामी असार २० गतेभित्र सम्पन्न गरिनेछ।
जेठ २८ गतेसम्म सदस्यता अद्यावधिक गर्न छुटेका सदस्यहरूले अब आफैँ आफ्नो विवरण अद्यावधिक गर्न सक्नेछन्। साथै, नवीकरण हुन बाँकी रहेका क्रियाशील सदस्यताको नवीकरण, नयाँ सदस्यता वितरण तथा १४औँ महाधिवेशनका बेला रोकिएका सदस्यताको व्यवस्थापन पनि सोही अवधिमा गरिनेछ।
विदेशमा रहेका नेपाली जनसम्पर्क समितिका सदस्यहरूको अद्यावधिक, नयाँ सदस्यता वितरण तथा अन्य दलबाट काँग्रेसमा प्रवेश गरेका व्यक्तिहरूको सदस्यता व्यवस्थापनको काम पनि असार २० गतेसम्म सकिने पार्टीले जनाएको छ। अद्यावधिक भएका सदस्यहरूको विवरण जाँच गर्ने काम भने असार महिनाभर जारी रहनेछ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
