हर्क साम्पाङजस्तो अर्गानिक नेताले देशको नेतृत्व गर्नुपर्छ:सुदन किराती

काठमाडौँ ।  श्रम संस्कृति पार्टीका नेता सुदन किरातीले पार्टी अध्यक्ष हर्कराज साक्पाङलाई देशको प्रधानमन्त्री बनाउनुपर्ने बताएका छन्। मंगलबार उदयपुरको गाईघाटमा पत्रकारसँग कुरा गर्दै उनले अब बाहिरबाट ल्याइएका वा “हाइब्रिड” नेतृत्व होइन, नेपालमै जन्मिएका “अर्गानिक” नेतालाई अवसर दिनुपर्ने बताए।

उनका अनुसार हर्क साम्पाङजस्ता नेताले देशको नेतृत्व गर्नुपर्ने समय आएको छ। उनले पुराना राजनीतिक नेतृत्वले जनताको अपेक्षा पूरा गर्न नसकेको भन्दै नयाँ पुस्तालाई अघि सार्नुपर्ने धारणा राखे।

किरातीले केही नेताहरूले देखावटी शैलीमा काम गर्दा देशलाई धोका भएको पनि आरोप लगाए। उनले बालेन शाहको उदाहरण दिँदै योजनाबिनाका कामले समस्या सिर्जना भएको टिप्पणी समेत गरे।

उनका भनाइमा अब जनताले नयाँ र देशमै हुर्किएका नेतृत्व खोजिरहेका छन्।