नक्सा विपरीत बनाइएका अवैध संरचना भत्काउन महानगरले चलायो डोजर

काठमाडौँ, ८ भाद्र ।  काठमाडौं महानगरपालिकाका मेयर बालेन्द्र शाह (बालेन) एक्सनमा उत्रेका छन् । उनी आफै उपस्थित भएर नक्सा विपरित बनाइएका संरचना भत्काउन सक्रिय हुँदै गएको देखिन्छ ।

बुधबार मेयर शाह डोजर लिएर सुन्धारास्थित काठमाडौं मलमा बनाइएको अवैध संरचना भत्काउन पुगे । त्यहाँ नक्सा विपरीत बनाइएका संरचनामा डोजर चलाइयो ।

त्यहाँ भवन भाडामा लिएकाले नक्सा विपरीत संरचना बनाएकाले भुमिगत पार्किङमा समस्या भएको भन्दै महानगरले डोजर चलाएको हो ।

त्यस्तै यता खिचापोखरीस्थित आरबी कम्प्लेक्समा अगाडी र न्युरोडको रञ्जना गल्लीभित्र बनेका भवनहरुमा पनि डोजर चलाइएको छ । अनधिकृत रुपमा नक्सा विपरीत बनाइएका संरचना महानगरले भत्काउदै आएको छ । केही दिन अघि महानगरले नयाँ बानेश्वरमा सटर हटाएको थियो ।