एमालेले प्रचार गरेजस्तो नागरिकता विधेयक राष्ट्रघाती होइन:प्रचण्ड

काठमाडौँ  , ८ भाद्र |नेकपा (माओवादी)का अध्यक्ष पुष्पकमल दाहाल ‘प्रचण्ड’ले नागरिकता विद्येयकलाई लिएर प्रमुख प्रतिपक्ष दल नेकपा एमालेले   गलत प्रचार गरेको बताएका छन् । भरतपुर विमानस्थलमा पत्रकारहरुसँग कुरा गर्दैै अध्यक्ष प्रचण्डले  विदेशीलाई नागरिकता दिन खोजियो भनेर एमालेले भ्रम छर्ने काम गरेर आरोप लगाए ।

उनले भने ,‘यो विधेयकको सारतत्व भनेको आमाबुवा दुवै नेपालको नागरिक भएका छोराछोरीले नागरिकता पाउने विषय हो । नागरिकता नहुँदा ७ लाख युवा अवसरबाट वञ्चित थिए । यसलाई राष्ट्रघाती भन्नु पाखण्ड हो ।’ ‘एमाले राष्ट्रवादको मुकुण्डो लगाएर भोट बटुल्न सकिन्छ कि भनेर दुस्साहस गरिररहेको दाहालले बताए

आमा र बुबा दुवै नागरिक भइसकेको अवस्थामा पनि नागरिकता नपाउने अवस्थामा सबै प्रकारका सुविधानबाट बञ्चित हुने भएकोले  यो विद्येयक ल्याएको अध्यक्ष  दाहालले स्पष्ट पारे ।