उपत्यकाका ३ जिल्लामा बन्दको प्रभाव न्यून ,१७ जना पक्राउ

काठमाडौँ, ७ भाद्र । नेत्र विक्रम चन्द “विप्लव” को नेकपा सहित चार दलिय मोर्चाले आव्हान गरेको नेपाल बन्दको असर देशको केन्द्रीय राजधानी काठमाडौंमा भने खासै देखिएको छैन ।उपत्यकाका ३ जिल्ला काठमाडौं, ललितपुर र भक्तपुरमा सवारीका साधनहरु अन्य दिनजस्तै सामान्य रुपमा निर्वाध चलिरहेका छन् ।

सडक र चोकहरुमा सुरक्षाकर्मीको बाक्लो उपस्थिति छ।काठमाडौंमा एक सार्वजनिक बसमा बन्दको अवज्ञा गरेको भन्दै तोडफोड गरेको छन् । बन्दको क्रममा  बन्दकर्ताले कोटेश्वरबाट बालकुमारीतर्फ जाँदै गरेको बा ४ च ९३९४ नम्बरको बस तोडफोड गरेको हो । गाडीमा ढुङ्गा प्रहार गरी सिसा फुटाइएको   प्रहरीले जनाएको छ ।

उपत्यकाका विभिन्न स्थानमा बन्द गराउँदै हिँड्ने  १७ जनालाई प्रहरीले  पक्राउ गरेको छ ।