नागरिकता जस्तो संवेदनशील विषयलाई व्यवस्थित गर्न बनेको विधेयकमाथि सदनले गम्भिरतापूर्वक लिओस्:ज्ञवाली

काठमाडौँ  , २ भाद्र  | नेकपा (एमाले) का सांसद प्रदीप ज्ञवालीले नागरिकता विधेयकलाई सर्वस्वीकार्य दस्तावेज बनाउन राष्ट्रपतिले दिएको अवसरलाई सदुपयोग गर्न माग गरे । ज्ञवालीले नागरिकता विधेयकजस्तो संवेदनशील विषयमा  जनमत विभाजित गर्ने काम नगर्न सत्तापक्षलाई चेतावनी  दिए ।बिहीबारको प्रतिनिधि सभा बैठकमा नागरिकता विधेयकमाथि छलफलमा भाग लिँदै सांसद ज्ञवालीले नागरिकता जस्तो संवेदनशील विषयलाई ‘हेड काउन्ट’को रुपमा नलिई यसमा विवेकका साथ  आवश्यक निर्णय लिनुपर्ने बताए ।

राष्ट्रपतिको सन्देशमा उठाइएको प्रत्येक प्रश्नलाई गम्भीर रुपमा लिनुपर्ने  र  जनमत विभाजित गर्ने काम गर्न नहुने समेत  ज्ञवालीले बताए । उनले भने  ,‘नागरिकताजस्तो संवेदनशील विषयलाई व्यवस्थित गर्न बनेको विधेयकमाथि यो महत्वपूर्ण दस्तावेजमा सुधार गर्ने एउटा महत्वपूर्ण अवसर सम्माननीय राष्ट्रपतिज्यूको सन्देशले दिएको छ । यसलाई यो सदनले गम्भिरतापूर्वक लिओस् । र, अधिकतम सदुपयोग गरोस् भन्ने म आग्रह गर्न चाहन्छु । तर सत्तापक्ष त्यसो गर्ने पक्षमा देखिने छैन ।