निर्वाचन मिति घोषणासँगै मतदाता नामावली संकलन स्थगित

काठमाडौँ ,१९ साउन |सरकारले मंसिर ४ गते एकै चरणमा प्रतिनिधि सभा र प्रदेश सभाको  चुनाव गर्ने निर्णय गरेको छ।सरकारले प्रतिनिभि र प्रदेश सभाको निर्वाचन मिति घोषणा गरेसँगै निर्वाचन आयोगले तयारी थालेको छ । निर्वाचनको मिति घोषणा भएसंगै मतदाता नामावली संकलन स्थगित भएको जनाएको छ ।

आयोगले हाल देशभरका जिल्ला निर्वाचन कार्यालय, जिल्ला प्रशासन कार्यालय, इलाका प्रशासन कार्यालय आदि ठाउँबाट फोटोसहितको मतदाता नामावली संकलन गरिरहेको छ ।चुनावको मिति घोषणा गरेसँगै निर्वाचन आयोगले आइतबारदेखि राजनीति दल दर्ताको प्रक्रिया सुरु गर्ने भएको छ ।

चुनावका लागि आइतबारदेखि दल दर्ता प्रक्रिया सुरु गरिने छ । शुक्रबारदेखि नै मतदाता नामावली संकलन स्थगित  हुनेआयोगले जनाएको छ ।