गर्भनर अधिकारी विरुद्ध वाइसिएल अख्तियारमा

काठमाडौँ, ३० असार । नेकपा (माओवादी केन्द्रं) को सहायक सङ्गठन वाइसिएल नेपालले नेपाल राष्ट्र बैंकको गर्भनर महाप्रसाद अधिकारीविरुद्ध अख्तियार दुरुपयोग अनुसन्धान आयोगमा उजुरी दिएको छ।

विहिबार वाइसिएलका संयोजक सुमन देवकोटालगायतले आफ्नो शैक्षिक योग्यता ढाँटेर नेपाल राष्ट्र बैंकको गर्भनरमा नियुक्त भई भ्रष्टाचारजन्य कसुर गरेको अभियोगमा अधिकारीविरुद्ध अख्तियार दुरुपयोग अनुसन्धान आयोगमा उजुरी दर्ता गरेको हो ।

नेपाल राष्ट्र बैंक ऐन, २०५८ को दफा २१ को क बमोजिम गभर्नर कुनै राजनीतिक दलको सदस्य वा पदाधिकारी हुन नहुने व्यवस्था छ तर अधिकारी नेकपा (एमाले) को अर्थ तथा योजना विभागको सदस्यका रुपमा एक अधिकारीका रुपमा रहको पाइएको वाइसिएलको उजुरीमा उल्लेख छ।

गभर्नर हुनका लागि कम्तीमा स्नातकोत्तर तह बराबरको शैक्षिक योग्यता हुनुपर्नेमा अधिकारीले स्नातक मात्रै उत्तीर्ण गरेको वाइसियलको उजुरीमा उल्लेख छ।

नेकपा एमालेले जारी गरेको अन्तर पार्टी निर्दैशन (अपानि) मा अर्थ तथा योजना विभागको सदस्यमा एम अधिकारीको नामबाट चयन भएको भन्दै सडकदेखी सदनसम्म राजिनामाको माग उठेको छ । राष्ट्र बैकको गभर्नर र डेपुटि गभर्नर कुनै पनि दलसँग आवद्ध हुन नहुने प्रावधान छ । तर, नेकपा एमालेले भने एम अधिकारी गभर्नर महाप्रसाद अधिकारी नभएर पार्टीकै अरु भएको बताउदै आएको छ ।