अर्थमन्त्री वाग्लेमाथि छानबिन गर्न संसदीय समिति गठनको नेकपाको माग

काठमाडौँ । नेपाली कम्युनिस्ट पार्टी ९नेकपा० ले अर्थमन्त्री डा। स्वर्णिम वाग्लेमाथि छानबिन गर्न संसदीय समिति गठन गर्न माग गरेको छ। प्रतिनिधि सभा बैठकमा बोल्दै नेकपाका सांसद तथा पूर्वअर्थमन्त्री वर्षमान पुनले अर्थमन्त्री वाग्लेले संसदलाई हेप्ने खालको अभिव्यक्ति दिएको आरोप लगाए। उनले करका दर परिवर्तनसम्बन्धी विषयमा अर्थमन्त्रीले केही निर्णय आफैंले गरेको स्वीकार गरेकाले त्यसबारे निष्पक्ष छानबिन हुनुपर्ने बताए।

पुनले अघिल्ला सरकारहरूले गल्ती गरे भन्दै अहिले पनि त्यस्तै गल्ती गर्न नपाइने बताए। उनका अनुसार सात वटा होस् वा धेरै, यदि कानुनी प्रक्रिया मिचेर करका दर परिवर्तन गरिएको हो भने त्यो छानबिनको विषय बन्नुपर्छ।

उनले २० लाख रुपैयाँभन्दा माथिका सवारीसाधनमा कसलाई र किन कर छुट दिइयो भन्ने विषय पनि अनुसन्धान गर्नुपर्ने बताए। पुनले आर्थिक विधेयकमा भएका परिवर्तन कर्मचारीले एक्लै गर्न नसक्ने भन्दै यस घटनाले संसदको गरिमा र विश्वासमाथि प्रश्न उठाएको टिप्पणी गरे।