भीभीआईपी सवारीले लेन क्रस गर्दा सभामुखलाई जरिवाना

काठमाडौँ । ट्राफिक नियम उल्लङ्घन गरेको आरोपमा सभामुख डोलप्रसाद अर्यालमाथि कारबाही गरिएको छ। उनी सवार सवारी साधनले थापाथली चोक क्षेत्रमा लेन उल्लङ्घन गर्दै सिंहदरबारतर्फ गएको पाइएको हो। सोही आधारमा उपत्यका प्रहरी कार्यालय रानीपोखरी अन्तर्गतको ट्राफिक प्रहरीले आवश्यक कारबाही अघि बढाएको जनाएको छ।

प्रहरी स्रोतका अनुसार सभामुख सवार गाडीका साथै उनको सुरक्षामा खटिएका अगुवा र पछुवा गरी तीन सवारी साधनसमेत कारबाहीमा परेका छन्। घटनास्थलमै रोक्न सम्भव नभएकाले सिंहदरबार परिसरमै पुगेर कारबाही प्रक्रिया पूरा गरिएको बताइएको छ। ट्राफिक नियम सबैका लागि समान रूपमा लागू हुने सन्देश दिन यस्तो कारबाही गरिएको प्रहरीको भनाइ छ।