पोखरामा आइतबार आयोजित दोस्रो भारत–नेपाल पर्यटन भेट कार्यक्रमले दुवै देशबीच पर्यटन सम्बन्धलाई अझ सुदृढ बनाउने उद्देश्य राखेको छ। यस कार्यक्रममा भारतको नेपालस्थित राजदूतावास, नेपाल पर्यटन बोर्ड तथा पोखरा पर्यटन परिषद् सहभागी थिए। कार्यक्रमले उत्तर प्रदेश र गण्डकी प्रदेशबीचको पर्यटन सहयोगलाई प्रवर्द्धन अवसर प्रदान गर्यो।
गण्डकी प्रदेशका मुख्यमन्त्री सुरेन्द्रराज पाण्डेले गण्डकी प्रदेशमा पर्यटन क्षेत्रमा बढ्दो सहकार्य र साझेदारीको महत्व औंल्याए। त्यस्तै, भारतका उप–राजदूतले धार्मिक, सांस्कृतिक र साहसिक पर्यटन मार्गहरूमा संयुक्त प्रवर्द्धन तथा सुधारिएको पहुँचको महत्वमा जोड दिनुभयो।
उत्तर प्रदेश पर्यटन विभाग, नेपाल पर्यटन बोर्ड र पर्यटन उद्योगका सरोकारवालाहरूले स्थलमार्गद्वारा सीमापारि पर्यटन प्रवर्द्धन, विशेषगरी बौद्ध, वन्यजन्तु र साहसिक पर्यटन मार्गहरूमा सम्भावनाहरूको समीक्षा गरे। कार्यक्रममा बी–टु–बी बैठक तथा भारतीय प्रतिनिधि मण्डलका लागि १५–१७ डिसेम्बर अवधिमा परिचयात्मक भ्रमण पनि आयोजित थियो।
सहभागीहरूले दुवै देशका पर्यटन क्षेत्रका सम्भावनाहरू, साझेदारीका योजना र अन्तर्राष्ट्रिय मान्यताका अवसरहरूबारे छलफल गर्दै दीर्घकालीन सहकार्य र पर्यटन प्रवर्द्धनमा जोड दिएका थिए।
कार्यक्रमले भारत–नेपाल पर्यटन सम्बन्धलाई नयाँ उचाइमा पु-याउने दिशामा महत्वपूर्ण पहलको रूपमा मूल्याङ्कन गरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
