मेटलाइफ नेपाल र बीमा गोजिमा साझेदारीमार्फत मोबाइल एपबाट बीमा खरिद सम्भव

काठमाडौँ, १ डिसेम्बर २०२५ — मेटलाइफ नेपालले आफ्नो डिजिटल पहुँच विस्तार गर्दै बीमा गोजिमा प्लेटफर्ममार्फत विशेष बीमा सुरक्षा प्याकेज सार्वजनिक गरेको छ। यसका लागि नियोअस्योर इन्स्योरेन्स एजेन्ट प्रा. लि. सँग साझेदारी गरिएको हो, जसले मोबाइल एपमार्फत ग्राहकलाई सहज रूपमा बीमा खरिद गर्ने सुविधा प्रदान गर्नेछ।

साझेदारीअनुसार बीमा गोजिमा सदस्यहरूका लागि विशेष रूपमा तयार गरिएको सरल ग्रुप अफिनिटी प्याकेज उपलब्ध हुनेछ। अब ग्राहकहरूले केही आधारभूत  विवरण भरेर मोबाइल एपबाटै आफ्नो आवश्यकता अनुसार बीमा सुरक्षा छान्न र खरिद गर्न सक्नेछन्। यसले बीमा प्रक्रियालाई छिटो, सरल र पहुँचयोग्य बनाएको छ।

प्याकेजमा समावेश मुख्य सुरक्षा प्रकारहरूमा टर्म लाइफ इन्स्योरेन्स, एक्सिडेन्टल डेथ एण्ड पर्मानेन्ट टोटल डिसएबिलिटी, क्रिटिकल इलनेस कभर (गम्भीर रोग पुष्टि भएमा आर्थिक सहायता) र एक्सिडेन्टल मेडिकल रिइम्बर्समेन्ट (दुर्घटनाका कारणको उपचार खर्च कभर) समावेश छन्।

ग्राहकहरूले आवश्यकतानुसार स्ट्यान्डअलोन टर्म लाइफ योजना, वा मिश्रित प्याकेजहरू जस्तै टर्म लाइफ + एक्सिडेन्टल डेथ एण्ड पर्मानेन्ट टोटल डिसएबिलिटी, टर्म लाइफ + क्रिटिकल इलनेस, वा सबै सुरक्षा संयोजन गरेर छनोट गर्न सक्नेछन्।

मेटलाइफ नेपालका प्रमुख वितरण अधिकृत श्री अरुण बहादुर बस्नेतले भने, “हामी नेपाली ग्राहकलाई सरल र भरपर्दो बीमा सुरक्षा प्रदान गर्ने यात्रामा छौं। बीमा गोजिमासँगको सहकार्यले डिजिटल पहुँचलाई नयाँ स्तरमा लैजानेछ र ग्राहकलाई पारदर्शी तरिकाले आफ्नो भविष्य सुरक्षित गर्न मद्दत गर्नेछ।”

नियोअस्योरका महाप्रबन्धक युगेन गौतमले पनि जोड दिए, “मेटलाइफसँगको साझेदारीले प्रविधि र विश्वसनीय सुरक्षाको शक्तिशाली संयोजन प्रतिनिधित्व गर्छ। यसले ग्राहकहरूलाई सूचित निर्णय लिन र परिवारको भविष्य सुरक्षित गर्न सक्षम बनाउनेछ।”

यस सहकार्यले डिजिटल–फस्र्ट ग्राहकहरूलाई सहज र आधुनिक बीमा अनुभव प्रदान गर्दै नेपालमा डिजिटल बीमा इकोसिस्टमलाई थप मजबुत बनाउने लक्ष्य राखेको छ।