आइरिन प्रतिनिधिमण्डलले स्टडि मेलबर्न हव, भ्रमण गर्दै शिक्षा साझेदारीमा सहकार्य सुदृढ पार्ने छलफल

मेलबर्न, अस्ट्रेलिया (एजेन्सी)। आइरिन अस्ट्रेलिया ट्रिप २०२५ को दोस्रो दिन आइरिन प्रतिनिधिमण्डलले स्टडि मेलबर्न हव भ्रमण गर्दै दुई देशबीच शैक्षिक अवसर र साझेदारी बढाउने विषयमा महत्वपूर्ण छलफल गरेको छ। यस भेटघाटमा प्रतिनिधिहरूले नेपाल र अस्ट्रेलिया बीचको शिक्षा सम्बन्ध सुदृढ पार्ने रणनीति र परियोजनाहरूमा जोड दिएका छन्।

प्रतिनिधिमण्डलले स्टडि मेलबर्न हव का वरिष्ठ अधिकारीहरूसँग भेटघाट गर्दै नेपालमा अध्ययन गर्ने विद्यार्थीहरूका लागि थप अवसर सिर्जना गर्ने र दुवै देशका शैक्षिक संस्थाहरूबीच सहयोगी कार्यक्रमहरू विकास गर्ने विषयमा छलफल गरेको छ।

बेटघाटमा नेपाल–अस्ट्रेलिया शैक्षिक साझेदारी, विद्यार्थी आदान–प्रदान, अनलाइन तथा इन–पर्सन कोर्स अवसर, र व्यावसायिक तालिम कार्यक्रमहरूमा सहकार्य बढाउने उपायहरूमा चर्चा भएको थियो। प्रतिनिधिहरूले दुई देशबीच दीर्घकालीन साझेदारी र अनुभव साझा गर्ने सम्भावनालाई प्राथमिकता दिएका छन्।

आइरिन का प्रतिनिधिहरूले स्टडि मेलबर्न हव को अनुभव र रणनीतिहरूलाई नेपालको शैक्षिक प्रणालीमा अनुकूल गर्ने र नेपाली विद्यार्थीका लागि गुणस्तरीय शिक्षा पहुँच सुनिश्चित गर्ने लक्ष्य राखेका छन्। साथै, भविष्यमा प्राविधिक तालिम, शिक्षण प्रविधि आदान–प्रदान र नवप्रवर्तनात्मक कार्यक्रमहरू सुरु गर्ने योजनाहरूको समीक्षा गरिएको छ।

यस भेटघाटले दुवै देशबीच शैक्षिक सम्बन्धलाई थप मजबुत बनाउने आशा गरिएको छ। आइरिन र स्टडि मेलबर्न हव बीचको सहकार्यले विद्यार्थीहरूको गुणस्तरीय शिक्षामा पहुँच बढाउने, नवप्रवर्तन र अनुभव साझा गर्ने वातावरण सिर्जना गर्नेछ। प्रतिनिधिहरूले आगामी दिनमा थप कार्यक्रमहरू आयोजना गरी दीर्घकालीन साझेदारी सुनिश्चित गर्ने योजना अघि सारेको जानकारी दिएका छन्।