माछापुच्छ्रे बैंकले सेयरधनीलाई ८ प्रतिशत लाभांश दिने

काठमाडौं । माछापुच्छ्रे बैंक लिमिटेडले गत आर्थिक वर्ष २०८१/८२ को नाफाबाट आफ्ना सेयरधनीलाई ८ प्रतिशत लाभांश वितरण गर्ने घोषणा गरेको छ। बैंकको शुक्रबार बसेको सञ्चालक समितिको बैठकले चुक्ता पूँजीको ८ प्रतिशत लाभांश वितरण गर्ने प्रस्ताव पारित गरेको हो।

बैंकले सार्वजनिक गरेको जानकारीअनुसार प्रस्तावित ८ प्रतिशत लाभांशमध्ये ४ प्रतिशत नगद लाभांश र ४ प्रतिशत बोनस सेयर हुनेछ। सञ्चालक समितिको निर्णय नेपाल राष्ट्र बैंकको स्वीकृति र आगामी वार्षिक साधारणसभाबाट पारित भएपछि कार्यान्वयनमा आउनेछ।

माछापुच्छ्रे बैंकले विगतदेखि नै आफ्ना सेयरधनीलाई निरन्तर लाभांश वितरण गर्दै आएको छ। यस वर्ष पनि लगानीकर्ताको विश्वास कायम गर्न र पूँजी सुदृढीकरणमा योगदान पु¥याउने उद्देश्यले लाभांश वितरण गर्ने निर्णय गरिएको बैंकले जनाएको छ।

बैंकले देशका विभिन्न भौगोलिक क्षेत्रका सर्वसाधारणसम्म बैंकिङ सेवाको पहुँच विस्तार गर्दै आएको छ। हालसम्म नयाँ–नयाँ शाखा सञ्चालन गरी कर्जा, निक्षेप, रेमिट्यान्स लगायतका सम्पूर्ण बैंकिङ सुविधा उपलब्ध गराउँदै आएको छ। साथै, बैंकले आफ्ना ग्राहकलाई चौबिसै घण्टा सञ्चालन हुने एटीएम सेवाको पहुँच पनि बढाएको छ।

बैंकिङ क्षेत्रको स्थायित्व र लगानीकर्ताको हितलाई ध्यानमा राख्दै गरिएको यो लाभांश वितरणले बजारमा सकारात्मक सन्देश दिने बैंकको विश्वास छ। आगामी दिनमा अझ प्रभावकारी बैंकिङ सेवा विस्तार गर्दै लगानीकर्तालाई स्थायी प्रतिफल दिने योजनामा माछापुच्छ्रे बैंक रहेको स्पष्ट गरेको छ।