काठमाडौं । नेपाल राष्ट्र बैंकले बैंक तथा वित्तीय संस्थामा ग्राहक पहिचान विवरण (KYC) एकपटक मात्र भरेपछि अन्य आवश्यक निकायले पनि सोही विवरण प्रयोग गर्न सक्ने व्यवस्था ल्याउने भएको छ।
आर्थिक वर्ष २०८२/८३ का लागि शुक्रबार सार्वजनिक गरिएको मौद्रिक नीतिमार्फत गभर्नर डा. विश्वनाथ पौडेलले यस्तो व्यवस्था लागू गरिने जानकारी दिएका हुन्।
गभर्नर पौडेलले ग्राहक सेवामा सहजता ल्याउन र वित्तीय प्रणालीलाई आधुनिक बनाउने लक्ष्यसहित बैंक तथा वित्तीय संस्थामा आवश्यक ग्राहक पहिचान विवरण (KYC) अब राष्ट्रिय परिचयपत्र (National ID) बाट प्राप्त हुने व्यवस्था गरिने बताए।
यसले ग्राहकहरूलाई एकैपटक विवरण भरेपछि अन्य बैंक तथा वित्तीय संस्थामा पुनः विवरण पेश गर्नु नपर्ने व्यवस्था लागू हुने स्पष्ट पारिएको छ।
राष्ट्र बैंकले यस्तो प्रणालीले डिजिटल बैंकिङ विस्तार र ग्राहक सुविधामा महत्वपूर्ण सुधार ल्याउने विश्वास व्यक्त गरेको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
