काठमाडौं।नेपाल सरकारले उद्योग वाणिज्य प्रवर्धन परिषद् आदेश, २०८२ स्वीकृत गरेको छ । बुधबार बसेको मन्त्रिपरिषद् बैठकका निर्णय सार्वजनिक गर्दै सरकारका प्रवक्ता तथा सञ्चार तथा सूचना प्रविधि मन्त्री पृथ्वी सुब्बा गुरुङले उक्त आदेश स्वीकृत गरिएको जानकारी दिएका हुन् ।
बैठकले विभिन्न आन्तरिक प्रशासनिक व्यवस्था, पदावधि, सरुवा तथा विदेशी भ्रमणसम्बन्धी स्वीकृतिहरू प्रदान गरेको छ । मन्त्रिपरिषद्ले स्वीकृत गरेका १५ निर्णयहरू यसप्रकार छन् :
१. उद्योग वाणिज्य प्रवर्धन परिषद् आदेश, २०८२ स्वीकृत गर्ने।
२. ग्लोबल वॉटर एक्स्प्लोरेशन कार्यक्रम (स्पेनको सेभिल्ला, असार १५–१९) मा भाग लिन खानेपानी मन्त्रीलाई स्वीकृति दिने।
३. सशस्त्र प्रहरी नायब महानिरीक्षक कालीदास धौवजी र कुमार न्यौपानेको पदावधि थप गर्ने।
४. अध्यागमन तथा भिजिट भिसासम्बन्धी समस्या समाधान गर्न पूर्वमुख्यसचिव शंकरदास बैरागीको अध्यक्षतामा सात सदस्यीय उच्चस्तरीय अध्ययन तथा छानबिन समिति गठन गर्ने।
५. इटाली र जर्मनीमा लगानी प्रवर्द्धन कार्यक्रम तथा रोममा आयोजना हुने FAO सम्मेलन (असार १३–२९) मा परराष्ट्र मन्त्रीलाई सहभागिताका लागि स्वीकृति दिने।
६. कर्जा असूली न्यायाधिकरणका अध्यक्ष तथा सदस्यहरूको पारिश्रमिक, सेवा सर्त र कार्यसञ्चालनसम्बन्धी व्यवस्था, २०८२ स्वीकृत गर्ने।
७. जर्मनीको बोनमा आयोजना हुने ३६औं ‘नेपाल डे’ कार्यक्रममा महिला, बालबालिका तथा ज्येष्ठ नागरिक मन्त्रीलाई सहभागिताको अनुमति दिने।
८. अन्तर्राष्ट्रिय भलिबल, उसु र कबड्डी प्रतियोगितामा पदक प्राप्त खेलाडी र प्रशिक्षकसहित २७ जनालाई पुरस्कार तथा सम्मान प्रदान गर्ने।
९. नेपाली सेनाका दुई महासेनानीको पदावधि थप, एक रथीलाई उपरथीमा बढुवा तथा दुई उपरथीको सरुवा गर्ने निर्णय।
१०. चीनको ल्हासामा आयोजना हुने कार्यक्रम (असार ९–११) मा पोखरा महानगरपालिका प्रमुख धनराज आचार्यलाई सहभागी हुन स्वीकृति दिने।
११. अवैतनिक वाणिज्यदूत सम्बन्धी (छैटौं संशोधन) नियमावली, २०८२ स्वीकृत गर्ने।
१२. नेपाल पशु चिकित्सा परिषद् ऐन, २०५५ लाई संशोधन गर्न बनेको विधेयक संघीय संसदमा पेस गर्न स्वीकृति दिने।
१३. राष्ट्रिय खेलकुद नीति, २०८२ स्वीकृत गर्ने।
१४. तथ्याङ्क प्रणाली विकासका लागि ‘राष्ट्रिय रणनीति २०८१/८२–२०८५/८६’ स्वीकृत गर्ने।
१५. विशिष्ट श्रेणीका निम्न सचिवहरूको सरुवा गर्ने निर्णय :
भरतमणि सुवेदी – राष्ट्रिय प्राकृतिक स्रोत तथा वित्त आयोगको सचिव,
माहादेव पन्थ – निर्वाचन आयोगको सचिव,
शोभाकान्त पौडेल – महालेखा नियन्त्रक,
डा. खगेन्द्रप्रसाद सुवेदी – गण्डकी प्रदेश सरकारको प्रमुख सचिव।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
