मनी लन्ड्रिङ्ग निवारणमा एफआईयूको सक्रियता: ९ हजारभन्दा बढी शंकास्पद कारोबार विश्लेषण,शंकास्पद कारोबार ४९% ले बढ्यो ,थप अनुसन्धानका लागि १०८६ प्रतिवेदन पठाइयो(एफआईयू नेपाल न्यूजलेटर सहित)

काठमाडौं – नेपाल राष्ट्र बैंक अन्तर्गत वित्तीय जानकारी इकाई (एफआईयू नेपाल) ले सन् २०२४ (जनवरी-डिसेम्बर) को गतिविधिहरू समेटिएको चौथो संस्करणको न्यूजलेटर सार्वजनिक गरेको छ। यसमा मनी लन्ड्रिङ्ग निवारण, आतङ्कवादी वित्तपोषण रोकथाम, तथा अन्य वित्तीय अनियमितताका विरुद्ध गरिएका कार्यहरूको विस्तृत विवरण समावेश छ।

प्रमुख तथ्याङ्क र उपलब्धिहरू:

• • शंकास्पद कारोबार प्रतिवेदनमा उल्लेख्य वृद्धि: सन् २०२३ मा ६,२५५ वटा प्रतिवेदन प्राप्त भएकोमा २०२४ मा यो संख्या ४९% ले बढेर ९,२०४ पुगेको छ।

  • प्रतिवेदन विश्लेषण: एफआईयूले १,८९४ प्रतिवेदन विश्लेषण गरेकोमा १,०८६ वटा कानुन प्रवर्तन निकायहरूमा अनुसन्धानका लागि पठाइएको छ भने ८०८ वटा अभिलेखीकरण गरिएको छ।

  • सीमापार कारोबार निगरानी: सूचक संस्थाहरूले पेश गरेका सीमापार कारोबार विवरण १९.७२ लाख (२०२४) पुगेको छ, जुन २०२३ को तुलनामा उल्लेख्य रूपमा बढी छ।

  • प्रणाली एकीकरण: एफआईयूको GOAML प्रणाली मा आवद्ध संस्थाहरूको संख्या १,९०५ पुगेको छ (२०२२: १,४९६)।