आज पनि घट्यो सुनको मूल्य , कतिमा हुँदैछ कारोबार?

काठमाडौँ । आज नेपाली बजारमा सुनको मूल्य घटेको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ८४ हजार आठ सय रूपैयाँमा कारोबार भइरहेको छ। सोमबार छापावाल सुन प्रतितोला एक लाख ८६ हजार आठ सय रूपैयाँमा कारोबार भएको थियो। आज सुन प्रतितोला दुई हजार रूपैयाँ घटेको हो।

यता, मंगलबार चाँदीको मूल्य भने बढेको छ। सोमबार प्रतितोला एक हजार नौ सय ६० रूपैयाँमा कारोबार भएको चाँदी आज प्रतितोला एक हजार नौ सय ७० रूपैयाँमा कारोबार भइरहेको महासंघले जनाएको छ ।