घट्यो सुनको मूल्य , कतिमा हुँदैछ कारोबार ?

काठमाडौँ , २६ वैशाख । आज नेपाली बजारमा सुनको मूल्यमा सामान्य घटेको छ। नेपाल सुनचाँदी व्यवसायी महासंघका अनुसार आज शुक्रबार छापावाल सुन प्रतितोला एक लाख ९० हजार आठ सय रूपैयाँमा कारोबार भइरहेको छ। बिहीबारको तुलनामा आज तोलामा एक हजार ४०० घटेको छ। बिहीबार सुन प्रतितोला एक लाख ९२ हजार दुई सय रूपैयाँ पुगेको थियो।

यता चाँदीमा भने प्रतितोला  पाँचले वृद्धि भएको छ। शुक्रबार चाँदीको मूल्य बढेको छ। बिहीबार चाँदी प्रतितोला एक हजार नौ सय ५५ रूपैयाँमा कारोबार भइरहेकोमा शुक्रबार प्रतितोला एक हजार नौ सय ६० रूपैयाँमा किनबेच भइरहेको छ।