नेपाल टेलिकमद्वारा कालिकोट-मुगु अप्टिकल फाइबर विस्तार, दूरसञ्चार सेवामा स्तरोन्नति

काठमाडौं, १२ चैत — नेपाल टेलिकमले कालिकोट जिल्लाको सदरमुकाम मान्मदेखि जुम्ला हुँदै मुगु जिल्लाको सदरमुकाम गमगढीसम्म अप्टिकल फाइबर विस्तार सम्पन्न गरेको छ। अल डायइलेक्ट्रिक स्लेफ सपोटिगङ् (ADSS) अप्टिकल फाइबर प्रविधिमा आधारित यस फाइबर नेटवर्कको स्थापनासँगै उच्च गुणस्तरको सूचना महामार्ग सञ्चालनमा आएको टेलिकमले जनाएको छ।

दूरसञ्चार सेवा विस्तार र स्तरोन्नतिको लक्ष्यसहित नेपाल टेलिकमले उक्त क्षेत्रमा मोबाइल ब्रोडब्यान्ड र फाइबर सेवाको पहुँच वृद्धि गर्ने कार्य सम्पन्न गरिसकेको छ। यस प्रविधिगत विकासले भविष्यमा सञ्चालन हुने नयाँ प्रविधिका लागि समेत महत्वपूर्ण आधार तयार गरेको टेलिकमले जनाएको छ।

यस परियोजनाअन्तर्गत राजमार्ग आसपासका कम्पनीहरूको फाइबर इन्टरनेट तथा मोबाइल सेवासँग सम्बन्धित उपकरणहरू अप्टिकल फाइबरमार्फत सञ्चालनमा ल्याइएको छ। साथै, ल्टत्ख् ब्रान्डको टेलिभिजन सेवा समेत २०८१ चैत ८ गतेदेखि सञ्चालनमा आएको छ। नेपाल टेलिकमले यसलाई देशको दूरसञ्चार क्षेत्रमा कोसेढुंगा भएको उल्लेख गरेको छ।

सेवा विस्तारपछि स्थानीय सेवाग्राहीहरूले सञ्चालित सेवाको गुणस्तर र क्षमतामा सुधारको प्रत्यक्ष अनुभव गरिरहेको टेलिकमले जनाएको छ। साथै, दूरसञ्चार सेवाको लागि आवश्यक पर्ने वैकल्पिक मार्ग स्थापनाले अटुट सेवा प्रवाहको सुनिश्चितता गरिएको छ।

नेपाल टेलिकमले देशका दुर्गम भेगहरूलाई समेत दूरसञ्चार सञ्जालमा जोड्ने आफ्नो अभियानलाई निरन्तरता दिँदै आएको छ। कम्पनीले भौगोलिक चुनौतीहरूलाई आत्मसात् गर्दै हरेक नेपालीलाई दूरसञ्चार सेवाबाट जोड्ने प्रतिबद्धता दोहोर्‍याएको छ।