परराष्ट्र मन्त्री आरजु राणा देउवा र भारतीय विदेश मन्त्री जयशंकरबीच भेटवार्ता, द्विपक्षीय सम्बन्ध सुदृढीकरणमा छलफल

एजेन्सी। राइसिना संवादका क्रममा  परराष्ट्र मन्त्री आरजु राणा देउवा र भारतका विदेश मन्त्री एस. जयशंकरबीच भेटवार्ता भएको छ। सो अवसरमा दुई देशबीचको द्विपक्षीय सम्बन्धको समीक्षासहित विभिन्न क्षेत्रका जारी सहकार्यबारे छलफल गरिएको छ। साथै, जनस्तरको सम्बन्ध र कूटनीतिक आदानप्रदानलाई थप प्रवर्द्धन गर्ने सम्भावनाबारे समेत विचारविमर्श भएको छ।

परराष्ट्र मन्त्री देउवाले भारतको ‘पहिला छिमेक’ नीतिप्रति कृतज्ञता व्यक्त गर्दै नेपालले भारतसँगको सम्बन्धलाई उच्च प्राथमिकता दिँदै आएको स्पष्ट पार्नुभएको छ। बैठकमा आपसी सहकार्यलाई अझ प्रभावकारी बनाउने विषयमा समेत छलफल भएको बताइएको छ।