आज प्रतिनिधि सभा बैठक बस्दै , यस्तो छ सम्भावित कार्यसूची

काठमाडौँ, चैत ३ । आज प्रतिनिधि सभा बैठक दिउँसो ११ बजे नयाँ बानेश्वरस्थित संघीय संसद भवनमा बस्दै छ। बैठकका लागि तीनवटा प्रमुख कार्यसूची तय गरिएको छ। उपप्रधानमन्त्री तथा अर्थमन्त्री विष्णु पौडेलले ‘आर्थिक कार्यविधि तथा वित्तीय उत्तरदायित्व (पहिलो संशोधन) विधेयक २०८१’ माथि विचार गर्न प्रस्ताव प्रस्तुत गर्नेछन्। त्यस्तै, उनले ‘निजीकरण (पहिलो संशोधन) विधेयक २०८१’ र ‘आर्थिक तथा व्यवसायिक वातावरण सुधार र लगानी अभिवृद्धि सम्बन्धी नेपाल ऐनका केही संशोधन’का बारेमा पनि प्रस्ताव प्रस्तुत गर्ने छन्।

यसरी, आजको बैठकमा यी विधेयकका सम्बन्धमा छलफल र विचारविमर्श गरिनेछ।