भारतको झारखण्डमा एक पटाका पसलमा आगलागी हुँदा तीन बालबालिकासहित पाँच जनाको मृत्यु

एजेन्सी । भारतको झारखण्ड जिल्लाको एउटा पटाका पसलमा आगलागी हुँदा ५ जनाको मृत्यु भएको छ । गढवामा रहेको पटाका पसलमा आगलागी हुँदा तीन बालबालिकासहित पाँच जनाको मृत्यु भएको छ। एसपी दीपक पाण्डेले घटनाको पुष्टि गरेका छन्।

प्राप्त जानकारी अनुसार, आज बिहान राँका प्रहरी चौकी क्षेत्र अन्तर्गत गोदरमणमा रहेको पटाका पसलमा अचानक आगलागी भयो। आगो यति छिटो फैलियो कि त्यहाँ उपस्थित मानिसहरूले भाग्ने मौका पनि पाएनन्।

घाइते सबैलाई छिमेकी राज्य छत्तीसगढको रामानुजगंजको अस्पताल लगिएको थियो, जहाँ डाक्टरहरूले उनीहरूलाई मृत घोषित गरे। आगलागीमा परी पाँच जनाको मृत्यु भएकोमा मुख्यमन्त्री हेमन्त सोरेनले समवेदना व्यक्त गरेका छन्।